اعرفني وأتعلم منى
" وفى ايام طلبة الرب أنجحه الله " ( 2 أخ 56 : 5 )
إعداد خادم الرب : أمير مجدى
أهلاً ومرحباً يا أصحابي فى مجلتنا اللى فى كل عدد منها هاتقدم حدوته من كتابنا المقدس ، وهاتكون معانا أسئلة سهلة وإحنا عندنا هدايا حلوة خالص واللى ها يجاوب كويس له هدية .. تعالوا نشوف مين بطل حدوتة العدد ده ، ونقو لله احكيلنا حكايتك :
أنا ملك وابن ملك ومعنى أسمى " الرب عزى " امى اسمها " يكليا " بدايتى كانت احلى بداية لانى بقيت ملك وأنا اكبر منكم بشويه سنين قليلة ، لكن كنت باعمل كل حاجة تفرح ربنا علشان كده كنت ناجح ، فأنا أكرمت ربنا وبيت ربنا والرب ساعدنى على محاربة الفلسطنيين والعرب اللى كانوا دايما يهددون وقدرت بمعونة الله انى انتصر عليهم ,
وكان عندى جيش قوى جداً وسلحته بمختلف أنواع الأسلحة واخترعت الآلات للحرب ، علشان كده أنا عايزكم تتعلموا منى النجاح وكمان تعرفوا ان سبب نجاحى هو ان ربنا كان معايا .
وأنا كمان كنت بأحب الحاجة اللى عايز انجح فيها ، زى الزراعة مثلا ، انا كنت ناجح فى الزراعة لانى كنت بأحب الفلاحة وحفرت أبار كثيرة الرى وكان عندى فلاحين كتير للعمل وكان عندى مواشى كتيرة يا ترى أنت عايز تنجح ؟ حب عملك اللى أنت عايز تنجح فيه ، وقلبك دايما قريب من بابا يسوع ، وهو هايكون معاك وبكده تحقق حلمك وتنجح ..
لو قصتى عجبتك جاوب عن الأسئلة ، وأرسل لنا الإجابات علشان تأخذ هدية ...
س1 : عرفت أنا مين واسم أبويا أيه ؟
س2 : عرفت أنا أصبحت ملك وأنا عمرى كام سنة ومدة ملكى قد أيه ؟
س3 : أتعلمت أيه من حكايتى ؟
ترسل الإجابات باسم ماجدة مكرم تادرس – بنى مزار – بريد بنى صامت – أبو جلبان الشرقى )